Yaşayıb-yaşayıb ömrün yetkin bir mərhələsinə çatanda və çevrilib arxada qalan onilliklərə nəzər salanda, xatırlamağa, arxalanmağa, öyünməyə nəsə tapa bilirsənsə, yaşadıqlarına görə təəssüflənmirsənsə, deməli, ömrün hədər getməyib.

Deməli, ALLAHIN bəxş etdiyi ömrü doğru-düzgün yaşamaq, ədalətli, xeyirxah, el-oba, cəmiyyət üçün lazımlı, gərəkli olmaq, haqqı-nahaqqa verməmək, başqalarının haqqını tapdamamaq kimi dəyərlərə sadiq qalmağı bacarmısan. Belə yaşamaq, əlbəttə, hər kəsə nəsib olmur.

Amma dünya belə dəyərli, qiymətli insanlardan xali də deyil. Bu yazıda məhz elə insanlardan birinin - gözəl insan, xeyriyyəçi Psixologiya üzrə fəlsəfə doktoru, "LOQOS" Psixoloji və Nitq İnkişaf Mərkəzinin təsisçisi və rəhbəri, Psixoloji Xidmət və Tədqiqatlar Mərkəzi İctimai Birliyi idarə heyətinin sədridir, «Psytech Azerbaijan» Psixometrik Qiymətləndirmə Mərkəzinin rəhbəri Təranə Paşayevanın keçdiyi mənalı ömür yoluna qısa da olsa, nəzər salmağa çalışacağıq.

Müdriklər demişkən, “xalq üçün, vətən üçün yaşanan ömür əsl insan ömrüdür”. Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, Psixologiya üzrə fəlsəfə doktoru, "LOQOS" Psixoloji və Nitq İnkişaf Mərkəzinin təsisçisi və rəhbəri, Psixoloji Xidmət və Tədqiqatlar Mərkəzi İctimai Birliyi idarə heyətinin sədridir, «Psytech Azerbaijan» Psixometrik Qiymətləndirmə Mərkəzinin rəhbəri Təranə Paşayevadır.

Təranə xanım Paşayeva qazilərin, şəhid ailələrinin, veteranların yaxın dostudur. Onların heç bir müraciətini geri çevirməyən Təranə xanım Paşayeva səlahiyyətləri çərçivəsində hər cür köməklik göstərməyə həmişə hazırdır.

Mayası vətənpərvərliklə, halallıqla yoğrulan bu gözəl insana, Təranə xanım Paşayevaya biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.

Biz kimik?

2014-cü ildən etibarən fəaliyyətə başlayan “Loqos” Psixoloji və Nitq İnkişaf Mərkəzi artıq 7 ildir ki, bütün yaş qrupları üzrə psixo-pedaqogika, loqopediya, psixologiya, duyu bütünləmə və müalicəvi idman sahəsində bütün növ korreksiyaları həyata keçirir. Peşəkar mütəxəssis heyəti ilə Gəncə, Bərdə, Lənkəran və Xaçmaz rayonlarında, eləcədə Azadlıq, Gənclik, Xalqlar dostluğu, Yeni Yasamal və Xırladan filiallarında fəaliyyət göstərir.

Məqsədimiz

Ölkə əhalisi arasında psixoloji sağlamlığın formalaşmasında və əhalinin maarifləndirilməsində rol almaqdır.

İnkişaf yolumuz

“Loqos” Psixoloji və Nitq İnkişaf Mərkəzi 2014-cü il, martın 2-də Bakının Nərimanov rayonunda ilk fəaliyyətinə başlamışdır.


2015-ci ilin mart ayında paytaxtın Yasamal rayonu ərazisində uşaq və yeniyetmələrlə bərabər yetkin insanlara xidmət göstərən ikinci mərkəz işə başlayıb.

2016-cı ilin aprelində Gəncə şəhəri və Gəncə yaxınlığındakı 7 rayonun əhalisinə kompleks psixoloji, psixopedaqoji, loqoped xidmət göstərən daha bir filial istifadəyə verilib.

2016-cı ilin sentyabr ayında Bakının Nərimanov rayonu ərazisində daha geniş miqyasda xidmət göstərmək imkanlarına malik Gənclik filialı fəaliyyətə başlayıb.

2016-cı ilin dekabrında Cənub bölgəsi əhalisinə peşəkar xidmət göstərən Lənkəran filialı açılıb.

2017-ci ilin aprelində Xaçmaz rayonu və yaxın ətrafdakı 4 rayonun əhalisinə kompleks xidmət göstərən Xaçmaz filialı fəaliyyətə başlayıb.

2018-ci ilin yanvar ayında Bərdə rayonunda yeni filial fəaliyyətə başlayıb.

2018-ci ilin yanvar ayında Bakı şəhəri, Binəqədi rayonunda Mərkəzin baş ofisi və filialı işə başlayıb.

2019-cu ilin may ayında Xırdalan filialı fəaliyyətə başlayıb.

“Loqos” PNİM-də və “Psixoloji Xidmət və Tədqiqatlar Mərkəzi” İctimai Birliyi (QHT)-də ali təhsilli, təcrübəli peşəkar psixoloqlar, psixopedaqoq, loqoped və psixoterapevtlər komandası çalışır.

Layihə və tədbirlərimiz

Geniş maştablı və kompleks xidmət yolunu seçən “Loqos”-un əsas prioritetlərindən biri dövlətin psixoloji maarifləndirmə proqramlarında yaxından iştirak etmək və bu istiqamətdə daha çox faydalı olmaqdır. Bu məqsədlə davamlı olaraq müxtəlif psixoloji mövzularda kurslar, seminarlar, konfranslar, layihələr həyata keçirilir. Maarifləndirmə proqramlarında cəmiyyətin özəyi olan ailə- qadın və uşaqlara daha çox yer ayırılır. Cəmiyyətə adaptasiyada, ünsiyyət qurmaqda çətinlik çəkən, özgüvən əksikliyi yaşayan qadınlar üçün davamlı olaraq hər il keçirilən “Müasir Azərbaycan qadını” layihəsi bu sıradandır. Bu layihədə iştirak etmək istəyən qadınların sayı ildən ilə çoxalır.

Nitq qüsurlu və digər problemli uşaqların (autizm, daun) cəmiyyətə adaptasiyası istiqamətində məqsədyönlü iş aparılır. Belə uşaqlar üçün xüsusi məşğələlər və məktəbə hazırlıq kursları təşkil edilir. Demək olar ki, əksər filiallarda daimi məktəbəqədər hazırlıq kursları var.

“Ailədən başlanan gələcək”, “Mənim ilk uğurum”, “Mənim ilk təcrübə məktəbim”, “Psixologiya Akademiyası: Uşaq”, “Salam Ana”, “Böyük addımlarla təhsilli gələcəyə” sosial layihələr hər il daha çox insanı özünə cəlb edir.

Nümunəvi xidməti və peşəkar fəaliyyəti ilə nüfuz qazanan “Loqos” respublikada bir növ təcrübə bazası rolunu oynayır. Ölkənin bir çox ali məktəbləri psixoloji təhsil alan tələbələrini təcrübə toplamaq üçün bu Mərkəzə göndərir.

“Loqos” öz mütəxəssislərinin peşəkarlıq səviyyələrini artırması məsələsini daim diqqətdə saxlamaqla bərabər, tələbələr, gənc psixoloqlar, məktəb psixoloqları üçün kurslar təşkil edir.

Maarifçilik ənənələrinə sadiq qalan “Loqos” xeyriyyəçilik missiyasını da unutmur. Mərkəzin bütün filiallarında davamlı olaraq maddi imkanı məhdud ailələrin uşaqları üçün ödənişsiz diaqnostikalar təşkil edilir, bölgələrdə yaş məhdudiyyəti qoyulmadan psixoloji dəstəyə ehtiyacı olanlar üçün ödənişsiz aksiyalar keçirilir. Şəmkir, Qazax, Tovuz, Akstafa, Şəki, Qəbələ, Xaçmaz, Lənkəran, Zərdab, Bərdə, Ağdam, Neftçala və digər rayonlarda təşkil olunan ödənişsiz konsultasiyalardan yüzlərlə insan faydalanıb. Məktəb psixoloqları, səhiyyə və təhsil işçiləri üçün aktual psixoloji mövzularda seminar və konfranslar keçirilib.

Təlim proqramları və kurslar

Mərkəzdə davamlı fəaliyyət göstərən kurs, proqram, məşğələ və təlimlərin sırası ildən ilə çoxalır. “Şəxsiyyət tipləri və insan tanıma bacarıqları”, “Uğurlu həyatın açarı” (təlim), “Qrup terapiyası” 9-14 yaş arası, “Layihələrin yazılması və idarə edilməsi” (təlim), “Kadr Hazırlığı”, “Loqopediya”, “Klinik psixologiya”, “Ümumi psixologiya”, “Mülicəvi idman və masaj”, İnklyuziv təhsil” kursların sırasındadır.

Tərəfdaşlarımız

“Loqos” un əsas uğurlarından biri də ölkənin təhsil və səhiyyə təşkilatları ilə əməkdaşlıq əlaqələrini düzgün quraraq genişləndirməsidir.

“Loqos” beynəlxalq əməkdaşlığa böyük önəm verir və bu istiqamətdə ardıcıl iş aparır. Mərkəzə psixologiya sahəsində zəngin tarixə malik olan Türkiyə Cümhuriyyətindən və Rusiya Federasiyasından dünyada tanınan peşəkar mütəxəssislər dəvət olunur və ən aktual psixoloji mövzularda verilən təlimlərdən təkcə “Loqos”un əməkdaşları deyil, respublikanın xəstəxanalarında çalışan həkimlər, universitet və orta məktəb müəllimləri, psixoloqlar faydalanırlar.

“Loqos” artıq beynəlxalq aləmdə tanınmağa başlayır. Qısa vaxt ərzində görülən işlər, əldə olunan nəticələr xarici mütəxəssisləri heyrətləndirir.

Mərkəz Dünya Pozitiv Psixoterapiya Assosiasiyası, Beynəlxalq Fundamental Təhsil Universiteti, V.M.Bexterev adına Sankt-Peterburq Milli–Tibbi Neyropsixoloji Psixiatriya Elmi-Tədqiqat Mərkəzi, Sankt-Peterburq Perinatal Psixologiya və Resurs Psixoterapiyası İnstitutu, Beynəlxalq Ailə Akademiyası, Moskva Təhsil İşçilərinin Təkmilləşdirilməsi və Yenidən Hazırlanması Akademiyası, Lomonosov adına MQU-nun “Nasionalnıy psixologiçeskiy jurnal” redaksiyası, Moskvada nəşr olunan “Şkolnıy psixoloq” qəzeti redaksiyası ilə əməkdaşlıq edir.

"Loqos" Elmi-publisistik psixoloji Jurnalı

“Loqos” PNİM-nin, PXTM İB-nin rəsmi mətbu orqanı “LOQOS” elmi-publisistik psixoloji jurnalı Ədliyyə Nazirliyindən rəsmi qeydiyyatdan keçmiş, 2018-ci ilin mart ayının 1-dən nəşrə başlamışdır.

2019-cu ilin martında psixoloji elmi-publisistik “LOQOS” jurnalı Azərbaycan Milli Mətbuat Şurası tərəfindən rəsmi qeydiyyata alınmışdır
64 səhifədən ibarət, rəngli jurnalın ildə 4 nömrəsi nəşr edilir.

"Loqosla Danışır Psixoloq" Verlişi

21 iyun 2018-ci ildən “Loqos” verilişi Xəzər TV–də yayımlanmağa başlayıb. 12.02.2019-cu ildən etbarən “Loqos-la Danışır Psixoloq” adı ilə veriliş canlı yayıma başlayıb. Mərkəzin peşəkar mütəxəssisləri verilişdə aktual problemləri, maarifləndiriçi mövzuları müzakirə edirlər və tamaşaçıların suallarını cavablandırırlar.

Media ilə əməkdaşlıq

“Loqos” Psixoloji Nitq və İnkişaf Mərkəzi 2014-cü ildən başlayaraq respublikada fəaliyyət göstərən ən nüfuzlu tele-radio şirkətləri ilə əməkdaşlıq edir, mərkəzin peşəkar mütəxəssisləri davamlı olaraq verilişlərdə ekspert kimi iştirak edir, canlı yayımlarda vətəndaşların sorğularını cavablandırırlar. Artıq beş ildir ki, “Loqos” PNİM ATV-də həftənin beş günü canlı yayımlanan “Bizimləsən” verilişinin, həmçinin 2021-ci ilin oktyabr, 2022-ci ilin mart ayları aralığında Xəzər TV-nin "CanGüdən" verlişinin sponspru olmuşdur. Günün mövzusuna uyğun olaraq hər verilişdə bir və ya iki mütəxəssis üç saat yarım davam edən efir məkanında iştirak edir, psixoloji məqamlara aydınlıq gətirir.

Azərbaycanda fəaliyyət göstərən ən nüfuzlu mətbuat orqanlarında: “Azərbaycan”, “Xalq qəzeti”, “525-ci qəzet”, “Ədalət”, “İki sahil”, “Psixoloq” qəzetlərində, “AZTV, İTV, LİDER TV, XƏZƏR TV, ATV kanallarında, “eurasiadiary.com”, “Salamnews agency”, “7news.az”, “icmal.az”, “belediyye.info”, “newscenter.az”, “qht.az”, “palitra.az”, “sia.az”, “xeberal.az”, “qhtxeber.az”, “artkaspi.az”, “shushapost.az”, “lobbi.az”, “525.az”, “yeniazerbaycan.com”, “abseronxeber.com”, “azpress.az”, “voicepress.az” və bir çox internet portallarında, saytlarda onlarla informasiya, məqalə və müsahibələr dərc olunmuş, süjetlər nümayiş edilmişdir.

---

---