Azərbaycan musiqi sənətinin inkişafına öz töhfələrini verən, zəngin ifaçılıq ənənələrini yaşadan və milli-mənəvi dəyərlərimizin təbliğində xüsusi xidmətləri olan sənət adamları xalqın yaddaşında daim hörmətlə yaşayırlar. Belə sənətkarlar arasında Əməkdar artist Elton Hüseynəliyev özünəməxsus yeri olan, peşəkarlığı, səhnə mədəniyyəti və vətənpərvər mövqeyi ilə seçilən tanınmış ifaçılardandır. Onun sənət yolu yalnız musiqi fəaliyyəti ilə məhdudlaşmır, eyni zamanda milli ruhun, dövlətçilik ənənələrinin və Azərbaycan mədəniyyətinin təbliği istiqamətində mühüm xidmətlərlə müşayiət olunur.
Elton Hüseynəliyev uzun illərdir ki, Azərbaycan musiqisinin inkişafına xidmət edən sənət adamı kimi fəaliyyət göstərir. Onun ifaları müxtəlif auditoriyalar tərəfindən böyük rəğbətlə qarşılanır, səhnədə nümayiş etdirdiyi peşəkarlıq isə musiqisevərlərin xüsusi diqqətini cəlb edir. Azərbaycan Dövlət Televiziya və Radio Verilişləri QSC-nin solisti kimi fəaliyyəti dövründə o, milli musiqimizin geniş auditoriyalara çatdırılması istiqamətində əhəmiyyətli işlər görmüş, öz sənəti ilə Azərbaycan mədəniyyətinin təbliğinə layiqli töhfələr vermişdir. Sənətə olan sevgisi, məsuliyyət hissi və peşəsinə bağlılığı onu həmkarları arasında da fərqləndirən əsas xüsusiyyətlərdəndir.



Onun yaradıcılıq fəaliyyətində dövlət tədbirlərində iştirakı xüsusi yer tutur. Azərbaycanın mühüm ictimai-siyasi və mədəni tədbirlərində çıxış etməsi, ölkəmizin müxtəlif bölgələrində keçirilən dövlət əhəmiyyətli proqramlarda iştirak etməsi Elton Hüseynəliyevin dövlətçilik dəyərlərinə olan bağlılığını açıq şəkildə nümayiş etdirir. O, hər zaman Azərbaycan dövlətinin uğurlarını öz uğuru kimi qəbul edən, ölkəsinin inkişafına sevinən və bunu öz çıxışlarında da hiss etdirən sənət adamlarından biridir.
Azərbaycan Respublikasının Prezidenti cənab İlham Əliyevin sərəncamı ilə "Əməkdar artist" fəxri adına layiq görülməsi onun sənət fəaliyyətinə verilən yüksək qiymətin ifadəsidir. Bu fəxri ad yalnız peşəkar fəaliyyətin deyil, həm də milli mədəniyyətin inkişafına göstərilən xidmətlərin təsdiqidir. Elton Hüseynəliyev bu etimada hər zaman layiq olmağa çalışmış, yaradıcılığında milli maraqları və Azərbaycançılıq ideologiyasını ön planda saxlamışdır. Dövlət başçısının həyata keçirdiyi siyasətə və ölkənin inkişaf kursuna hörmətlə yanaşması onun vətəndaş mövqeyində də aydın şəkildə görünür.
Elton Hüseynəliyev təkcə səhnədə deyil, gündəlik həyatında da insanların rəğbətini qazanan ziyalı sənətkarlardandır. Onu yaxından tanıyanlar xeyirxahlığını, sadəliyini və insanlara olan səmimi münasibətini xüsusi qeyd edirlər. Bayram günlərində aztəminatlı ailələrin sevincinə şərik olmaq, ehtiyac içində yaşayan insanların yanında dayanmaq, müxtəlif sosial təşəbbüslərə dəstək vermək onun xarakterindəki nəcib xüsusiyyətlərin təzahürüdür. O, insanların üzündə təbəssüm yaratmağı yalnız sənəti ilə deyil, xeyirxah əməlləri ilə də bacaran insanlardandır.
Şəhid ailələrinə və qazilərimizə göstərdiyi hörmət və ehtiram da onun mənəvi dünyasının zənginliyindən xəbər verir. Vətən uğrunda canından keçən qəhrəmanlarımızın ailələrinə diqqət göstərilməsi, onların qayğıları ilə maraqlanılması və müxtəlif tədbirlərdə onların yanında olunması Elton Hüseynəliyevin vətənpərvərliyinin bariz nümunəsidir. O, şəhidlərimizin xatirəsinin yaşadılmasını hər bir vətəndaşın mənəvi borcu hesab edən sənət adamlarındandır.



Musiqi insanları birləşdirən, duyğuları ifadə edən və mənəvi dəyərləri yaşadan böyük bir qüvvədir. Elton Hüseynəliyev də öz ifaları ilə insanlarda vətən sevgisi, milli qürur və mənəvi bağlılıq hisslərini gücləndirən sənətkarlardandır. Onun səsləndirdiyi mahnılar təkcə musiqi nümunəsi deyil, həm də milli ruhun və Azərbaycan sevgisinin ifadəsi kimi qəbul olunur. Bu səbəbdən onun yaradıcılığı müxtəlif yaş qruplarından olan dinləyicilər tərəfindən rəğbətlə qarşılanır.
Sənət aləmində uğur qazanmaq üçün yalnız istedad kifayət etmir. Bunun üçün zəhmət, məsuliyyət, sədaqət və peşəyə sevgi lazımdır. Elton Hüseynəliyev bütün bu keyfiyyətləri özündə birləşdirən sənət adamı kimi tanınır. O, uzun illər ərzində qazandığı uğurları daim zəhməti ilə möhkəmləndirmiş, sənətə olan sevgisini heç vaxt itirməmişdir. Məhz bu xüsusiyyətləri ona həm tamaşaçı sevgisi, həm də peşəkar nüfuz qazandırmışdır.
Azərbaycan mədəniyyətinin təbliği istiqamətində gördüyü işlər, dövlət tədbirlərində fəal iştirakı və milli dəyərlərimizin qorunmasına verdiyi töhfələr Elton Hüseynəliyevi nümunəvi sənət adamlarından birinə çevirib. O, fəaliyyətində hər zaman Azərbaycanı, onun mədəniyyətini və dövlətçilik maraqlarını uca tutmağa çalışmış, bu istiqamətdə ardıcıl mövqe nümayiş etdirmişdir.
Bu gün Elton Hüseynəliyev sənətə bağlılığı, dövlətçilik dəyərlərinə sədaqəti, insanlara olan hörmət və sevgisi ilə seçilən sənətkarlardandır. Onun fəaliyyəti göstərir ki, əsl sənətkar yalnız səhnədə deyil, cəmiyyət içərisində də öz nüfuzu, davranışı və xeyirxah əməlləri ilə örnək olmalıdır. Məhz buna görə də Elton Hüseynəliyev həm sənət cameəsində, həm də geniş ictimaiyyət arasında hörmət və rəğbətlə qarşılanan simalardan biri olaraq öz fəaliyyətini uğurla davam etdirir.