Sumqayıt şəhərinin mərkəzində yerləşən və artıq illərdir ki, öz peşəkar fəaliyyəti ilə minlərlə ailənin unudulmaz xoşbəxtlik anlarına ev sahibliyi edən “Sevgilim” şadlıq sarayı, təkcə bir məkan deyil – bu, sevginin, hörmətin və mükəmməlliyin ünvanıdır.

Əzəmətli memarlıq üslubu, müasir interyeri və geniş zallar sistemi ilə “Sevgilim” şadlıq sarayı hər zövqə uyğun konsept təqdim edir. Burada həm klassik, həm də modern tərzdə toylar, nişanlar, xınayaxdı mərasimləri, ad günləri və korporativ tədbirlər keçirilir.

Peşəkar Komanda – Sizin Xidmətinizdə

“Sevgilim” şadlıq sarayının əsas üstünlüyü onun peşəkar və mehriban kollektividir. Aşpazlardan tutmuş xidmətçi heyətinə qədər hər bir əməkdaş, qonaqların məmnunluğunu ön planda tutaraq çalışır. Menyular zövqə uyğun şəkildə tərtib edilir, təamların təzəliyinə və ləzzətinə daim ciddi nəzarət olunur. Müxtəlif büdcələrə uyğun 40, 50, 60 manatlıq və daha fərqli menyu paketləri təqdim edilir, hər biri bol çeşidli və keyfiyyətli məhsullardan ibarət olur.

Xüsusi Təkliflər və Əlavə Xidmətlər

“Sevgilim” şadlıq sarayı öz müştərilərinə müxtəlif sürprizlər və endirimli paketlər də təqdim edir. Xınayaxdı mərasimi üçün xüsusi dekorlu zal, canlı musiqi, rəqs qrupları, həmçinin davul zurna, albom çəkilişi, foto-video xidmətlər və digər əlavə seçimlər ilə toy sahiblərinin bütün arzuları nəzərə alınır.

Qeyd edək ki, sarayda qonaqlara təqdim olunan kabablar, isti yeməklər, salatlar, tort və desertlər, Sumqayıtın ən seçmə məhsulları ilə hazırlanır və daima yüksək gigiyena və xidmət standartlarına cavab verir.

İddialarla bağlı “Sevgilim” şadlıq sarayının rəsmi cavabı

Son günlərdə bəzi mediada “Sevgilim” şadlıq sarayı haqqında qərəzli və əsassız ittihamlar yer almaqdadır. Mətbuata sızdırılan bu xəbərlərin heç bir hüquqi və faktiki əsası yoxdur və təəssüf hissi ilə bildiririk ki, bu tip informasiyalar məqsədli şəkildə şadlıq sarayının nüfuzuna xələl gətirmək üçün yayılıb.

Əvvəla, 25 may 2025-ci il tarixində baş tutduğu iddia edilən toy mərasimi ilə bağlı qeyd olunan bütün xidmətlər – menyu, əlavə xidmətlər, tort, içkilər və albom – əvvəlcədən yazılı müqavilə əsasında təsdiqlənmişdir. Müştəri ilə bağlanmış razılaşmaların hər biri hüquqi sənədlərlə təsdiq olunub və heç bir pozuntuya yol verilməyib.

İddia edildiyi kimi, yeməklərin miqdarında və keyfiyyətində heç bir çatışmazlıq olmayıb. Hər masa üçün əvvəlcədən müəyyən olunmuş standartlara uyğun miqdarda yemək və içki təqdim olunmuşdur. Xidmətçilərin davranışı ilə bağlı isə heç bir ciddi şikayət həmin tarixdə rəsmi şəkildə qeydiyyata alınmayıb. Əksinə, həmin gün təşkil olunmuş toy mərasimi boyunca müştəri tərəfindən təşəkkür ifadə olunub.

Əlavə olaraq bildirilir ki, “hədiyyə adı altında veriləcək” deyilən xidmətlər də müqavilədə aydın şəkildə öz əksini tapıb və toy sahibinin razılığı ilə xidmətin məbləğinə daxil edilib.

Qərəzli yazılarla bağlı hüquqi tədbirlər görülür

“Sevgilim” şadlıq sarayının rəhbərliyi olaraq, bu cür böhtan xarakterli və nüfuzdan salmağa yönəlmiş yazılarla bağlı hüquq-mühafizə orqanlarına və məhkəməyə müraciət olunub. Biz bu məsələnin sonuna qədər araşdırılmasını tələb edirik və adıçəkilən şəxslərin şərəf və ləyaqətimizi alçaldan ittihamlarına qarşı hüquqi yollarla cavab verəcəyik.

Biz çoxsaylı məmnun müştərilərimizin rəylərinə, sosial şəbəkələrdə və rəsmi şikayət platformalarında qeyd olunan yüzlərlə təşəkkür məktublarına əsaslanaraq bir daha bildiririk:
“Sevgilim” şadlıq sarayı illərdir ki, Sumqayıtda ailə quran cütlüklərin etibar etdiyi, sevinc dolu xatirələrin yaşandığı seçilən məkan olaraq fəaliyyət göstərməkdədir.