17 İyun – Tibb İşçilərinin Peşə Bayramı Günü münasibətilə Azərbaycan səhiyyəsinin inkişafına mühüm töhfələr vermiş, peşəkar fəaliyyəti və ictimai xidmətləri ilə geniş rəğbət qazanmış millət vəkili, tanınmış kardiocərrah Rəşad Mahmudovun fəaliyyətini xüsusi qeyd etmək yerinə düşür. İnsan sağlamlığının qorunması istiqamətində göstərdiyi xidmətlər, minlərlə insana bəxş etdiyi sağlam həyat və dövlətçilik prinsiplərinə sadiq fəaliyyəti onu cəmiyyətin hörmətlə yanaşdığı şəxsiyyətlərdən birinə çevirib.
Rəşad Mahmudov uzun illərdir ki, ürək-damar cərrahiyyəsi sahəsində uğurla fəaliyyət göstərərək öz peşəkarlığı ilə seçilən həkimlər sırasında yer alır. İnsan həyatının birbaşa taleyi ilə bağlı olan bu mürəkkəb sahədə çalışmaq yüksək məsuliyyət, dərin bilik və böyük təcrübə tələb edir. O, məhz bu keyfiyyətləri sayəsində yüzlərlə mürəkkəb əməliyyatı uğurla həyata keçirmiş, ağır xəstəliklərdən əziyyət çəkən insanların yenidən sağlam həyata qayıtmasına yardımçı olmuşdur.
Kardiocərrah kimi qazandığı uğurlar yalnız ölkə daxilində deyil, beynəlxalq tibbi dairələrdə də diqqətlə izlənilir. Müasir tibbi yenilikləri daim tətbiq edən, peşəkar inkişafını davamlı olaraq artıran Rəşad Mahmudov öz fəaliyyəti ilə Azərbaycan səhiyyəsinin nüfuzunun yüksəlməsinə töhfə verən mütəxəssislərdəndir. Onun uğurlu fəaliyyəti bir daha sübut edir ki, tibbdə əldə olunan nailiyyətlərin əsasında ilk növbədə insan sevgisi və peşəyə bağlılıq dayanır.
Həkimlik fəaliyyəti ilə yanaşı, millət vəkili kimi də insanların problemlərinə həssas yanaşması, vətəndaşlarla daim təmasda olması və onların müraciətlərinə diqqətlə yanaşması cəmiyyət tərəfindən yüksək qiymətləndirilir. O, seçicilərinin qayğı və problemlərini dinləyən, onların həlli istiqamətində davamlı fəaliyyət göstərən xalq nümayəndələrindən biri kimi tanınır. Bu isə onun insanlara xidmət prinsipini yalnız tibb sahəsində deyil, ictimai fəaliyyətində də uğurla davam etdirdiyini göstərir.
Rəşad Mahmudovun fəaliyyətində humanizm və vətənpərvərlik xüsusi yer tutur. O, müxtəlif sosial layihələrdə iştirak etməklə, ehtiyacı olan insanlara dəstək göstərməklə və cəmiyyətin həssas təbəqələrinə diqqət ayırmaqla nümunəvi mövqe sərgiləyir. Şəhid ailələrinə, qazilərə və sosial qayğıya ehtiyacı olan insanlara göstərilən diqqət onun yüksək mənəvi keyfiyyətlərinin göstəricisidir.
Azərbaycan dövlətinin həyata keçirdiyi sosial siyasətin və səhiyyə sahəsində aparılan islahatların dəstəklənməsində də Rəşad Mahmudovun fəaliyyəti diqqət çəkir. O, dövlətçilik dəyərlərinə sadiqliyi, ölkəmizin inkişafı naminə gördüyü işlər və milli maraqlara xidmət edən mövqeyi ilə seçilən ictimai-siyasi xadimlərdəndir. Azərbaycan səhiyyəsinin müasirləşməsi və vətəndaşların daha keyfiyyətli tibbi xidmətlə təmin olunması istiqamətində səsləndirdiyi təşəbbüslər də daim müsbət qarşılanır.
Peşəsinə sonsuz sədaqət göstərən Rəşad Mahmudov üçün həkimlik sadəcə bir peşə deyil, insanlara xidmət missiyasıdır. Onun qəbulunda olan hər bir xəstə yalnız peşəkar tibbi yardım deyil, həm də mənəvi dəstək və diqqət görür. Məhz bu xüsusiyyətlər onu xəstələrinin və həmkarlarının hörmətini qazanan nüfuzlu həkimlərdən birinə çevirib.
Bu gün Azərbaycan səhiyyəsində və ictimai həyatında öz dəst-xətti ilə seçilən Rəşad Mahmudov həm peşəkar həkim, həm də məsuliyyətli millət vəkili kimi fəaliyyət göstərərək cəmiyyətə dəyərli xidmətlər göstərməkdə davam edir. Onun uğurları gənc həkimlər və gənc ictimai xadimlər üçün də nümunə hesab olunur.
17 İyun – Tibb İşçilərinin Peşə Bayramı Günü münasibətilə Sonnoqte.az saytının rəhbərliyi adından millət vəkili, tanınmış kardiocərrah Rəşad Mahmudovu ürəkdən təbrik edir, ona möhkəm cansağlığı, ailə səadəti, məsuliyyətli fəaliyyətində yeni uğurlar və nailiyyətlər arzulayırıq. İnsanların sağlamlığı və ölkəmizin inkişafı naminə gördüyü bütün işlərdə ona yeni-yeni müvəffəqiyyətlər diləyirik.
Azərbaycan səhiyyəsinin inkişafına verdiyi töhfələr, yüksək peşəkarlığı, humanist fəaliyyəti və dövlətçilik mövqeyi ilə seçilən Rəşad Mahmudovun Tibb İşçilərinin Peşə Bayramı Günü mübarək olsun!