Azərbaycanın cənub bölgəsinin incisi olan Astara rayonu təkcə təbiəti ilə deyil, həm də strateji əhəmiyyəti ilə seçilən bölgələrdən biridir. Bu əhəmiyyətli bölgədə yol infrastrukturunun müasir tələblərə cavab verməsi, kəndlə şəhəri, insanla imkanları birləşdirməsi üçün zəhmət çəkən fədakar rəhbərlər sırasında Astara 49 saylı Yol İstismarı MMC-nin rəisi Alıcı Alışov xüsusi yer tutur.

Alıcı Alışov bu məsul və çətin sahəyə yalnız rəhbər kimi yox, eyni zamanda xalqın rahatlığına xidmət edən bir missiya sahibi kimi yanaşır. Onun fəaliyyəti nəticəsində Astara rayonunun müxtəlif kənd və qəsəbələrində yolların yenilənməsi, təmir-bərpa işlərinin yüksək keyfiyyətlə həyata keçirilməsi təmin olunub. O, uzun illər bu sahədə qazandığı təcrübəni müasir yanaşmalarla birləşdirərək yolların təkcə asfaltlanmasını deyil, həm də təhlükəsiz və uzunömürlü olmasını əsas hədəf kimi müəyyənləşdirib.

Alıcı müəllim rəhbərlik etdiyi MMC-nin gündəlik fəaliyyətində məsuliyyət, dəqiqlik və şəffaflıq prinsiplərinə əsaslanaraq, işçi heyəti ilə bir komanda kimi işləyir. Onun rəhbərliyi dövründə Astara rayonunda onlarla kəndarası yol, əsas nəqliyyat arteriyaları, körpü və yol keçidləri bərpa olunmuş, yeni yol nişanları, təhlükəsizlik elementləri və piyadalar üçün zolaqlar çəkilmişdir. Bütün bu işlər sakinlərin gündəlik həyat şəraitini yaxşılaşdırmaqla yanaşı, iqtisadi fəaliyyətin də genişlənməsinə töhfə verir.

Xüsusilə qeyd olunmalıdır ki, Alıcı Alışovun iş prinsiplərində vətəndaşlarla sıx təmas, yerlərdə şəraitin yerində öyrənilməsi və problemlərə operativ müdaxilə mühüm yer tutur. O, mütəmadi olaraq rayonun müxtəlif ərazilərinə gedərək, sakinlərlə birbaşa görüşlər keçirir, onların yol infrastrukturuna dair təkliflərini, ehtiyaclarını və şikayətlərini dinləyir. Bu, onun insanlara olan dərin ehtiramının, dövlətə və vəzifəsinə olan sədaqətinin təzahürüdür.

Eyni zamanda, şəhid ailələri, qazilər və sosial həssas təbəqələr yaşayan ərazilərdə aparılan yol infrastrukturunun bərpası və təmiri Alıcı Alışov üçün xüsusi əhəmiyyət daşıyır. O, dəfələrlə bu istiqamətdə humanist təşəbbüslərlə çıxış etmiş, sosial məsuliyyət nümunəsi olaraq dövlət-vətəndaş birliyinin ən gözəl təzahürlərini nümayiş etdirmişdir.

Alıcı Alışov işçiləri ilə də mehriban və məsuliyyətli münasibət qurmağı bacaran bir rəhbərdir. O, kollektivdə peşəkarlığın artırılması, iş şəraitinin yaxşılaşdırılması və təhlükəsizliyin təmin olunmasına daim önəm verir. Müasir texnikaların tətbiqi, yol təmirində innovativ yanaşmaların mənimsənilməsi onun təşəbbüsü ilə həyata keçirilən vacib tədbirlər sırasındadır.

Onun rəhbərliyi ilə Astara 49 saylı Yol İstismarı MMC bu gün təkcə bölgə deyil, ümumilikdə Azərbaycanın yol təsərrüfatı sistemində nümunəvi qurum kimi tanınır. Alıcı Alışovun uzaqgörən idarəçiliyi, əzmkarlığı və sadəliyi onu həm əməkdaşlar, həm də rayon sakinləri arasında hörmətli və nüfuzlu bir şəxsiyyətə çevirib.

Yollar – insanları bir-birinə yaxınlaşdıran, bölgələri inkişaf etdirən, gələcəyə doğru irəliləyişi təmin edən əsas vasitələrdir. Bu yolların arxasında isə əsl zəhmətkeşlər – Alıcı Alışov kimi insanlar dayanır. Onun fəaliyyəti sübut edir ki, səmimiyyət, dövlətə bağlılıq və xalqa xidmət arzusu olan yerdə hər zaman uğur var.