sonnoqte.az
Xəbər başlıqları
  • 12:38 – Prezidentə təbriklər gəlir - Yenilənir 
  • 13:32 – “İlham Əliyev tarixə düşəcək” - Ərdoğan 
  • 11:35 – Budapeştdə Türk Dövlətləri Təşkilatının Dövlət Başçıları Şurasının qeyri-rəsmi iclası başlayıb YENİLƏNƏCƏK 
  • 12:19 – İlham Əliyev Tiranada Zirvə toplantısında iştirak edir 

Yeni Biləcəri lokomotiv deposunda günəş enerjisindən istifadə ediləcək

19-11-2021, 12:02 283 dəfə baxılıb

Yeni Biləcəri lokomotiv deposunda günəş enerjisindən istifadə ediləcək


Prezident İlham Əliyevin bu gün açılışında iştirak etdiyi – “Azərbaycan Dəmir Yolları” QSC-nin yeni Biləcəri lokomotiv deposu MDB məkanında ilk təcrübədir və IV Sənaye Inqilabına keçidlə bağlı atılan addımlardan biridir.

Bu barədə dövlət başçısına məruzəsində səhmdar cəmiyyətinin sədri Cavid Qurbanov məlumat verib.

Onun sözlərinə görə, deponun üzərində günəş panelləri quraşdırılıb ki, alınan enerji depoda istifadə olunur. Burada zəruri infrastruktur yaradılıb, dünyanın aparıcı şirkətlərinin istehsalı olan müasir avadanlıq quraşdırılıb. Deponun tikintisi “Dəyişən cərəyanla işləyən 50 lokomotiv üçün iki deponun - Biləcəri və Gəncə lokomotiv depolarının tikintisi" layihəsi çərçivəsində həyata keçirilib. Yeni depoların nəzərdə tutulduğu dəyişən cərəyanlı 40 yük lokomotivi və ikili elektrik təchizatı sistemində işləyən 10 sərnişin lokomotivi dünyanın aparıcı şirkətlərinə sifariş edilib. 28-i yük və 10-u sərnişin lokomotivi olmaqla 38 müasir “Alstom” lokomotivi artıq Azərbaycana gətirilib. Ümumilikdə, bu deponun istifadəyə verilməsi enerji resurslarının qənaətinə, istismarın asanlaşmasına, qatarların hərəkət sürətinin artırılmasına və nəticə etibarilə yük və sərnişin daşımalarında səmərəlilik göstəricilərinin yaxşılaşdırılmasına, lokomotivlərin gücünün çoxalmasına imkan yaradacaq. Depoda xarici ölkələrdə təlim keçmiş 150-yə yaxın yüksək ixtisaslı işçi çalışacaq.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
İDMAN
MƏDƏNİYYƏT
VİDEO